MIN JI TE RE DIGOT ESMERÊ

MIN JI TE RE DIGOT ESMERÊ




Demhat Dêrikî





Li welatê çiyan.
Li welatê berfê.
Li welatê dûpişk û maran.
Li welatê min û te û li welatê evîna me,
min ji te re digot,
ji mijgûl û kenê te yê ku di nav de geh penaberbûm,
geh Sipartakusê dilistana te bûm.
Min ji te re digot,
ji agir ramûsanên te re,
ji heneseyên şevên te re,
ji çemên canê te re,
ji rawana te re,
ji meya lêvên te re,
ji vekirna bişkokên bajarê te re, digot esmerê,
ji kêliya tovê hezkirinê, di malzaroka hezkirnê de hat reşandin,
qedexekirin û biryara sêdardekirina hezkirinê jî, ji dayîk bû!
Ji wê demê ta vê demê her du yezdan
di nava tofana şer de ne!..
di nava vê tofanê de sed perî bingor bûn û
niha gorên sed periyan dikolin!..
Dikolin!...
Bi dilê tirsê,
Bi destê şevreşê,
bi destûrnameya şermê û
li ser kêlên wan dinivîsîn
li vî welatî hezkirin QEDEXEYE!